石屋山-荔枝莊-白沙澳-海下

今日上石屋山，高塘集合。

呢位工作繁忙，好少出隊，見倒佢都好開心。

今日出隊有師傅、大寶、阿鄺、肥陳、肥奇姑姑、兩何、陳生陳太、阿妙。啊，仲有同學仔，共十三人。

先沿車路，過猴塘溪，到呢個上石屋山路口。

經山火瞭望台，沿山脊上老虎騎石。

今日有霧，天氣潮濕。好快就成身濕。經過老虎騎石，休息一下。

再繼續上到360米高的山脊。在一堆石上休息影下相。

離開石堆，繼續上石屋山。石屋山係西貢東最高的山，高481米，比蚺蛇尖高出13米。

10點22分到頂。9點10分從路口起計，行左個幾鐘。

唞一陣，就落山。黃生黃太落嶂上。我哋落蛇石坳。

 望住深涌同荔枝莊落山。

好快就見到蛇石坳。對面雞麻峒。

我同荃灣何由蛇石坳落荔枝莊，十五分鐘就到村口。

跟住上返大路出白沙澳。經過呢間越來越靚0既屋。

過左間屋同呢塊草地，好快就到路口。

荃灣何自己去探吓下洋，咁我自己行落海下。

去到海下，換件衫。跟住去好景士多食午飯。蠔仔炒飯係我最鍾意0既。

跟住真好彩，出到去有小巴，返到西貢巴士又開，返到屋企只花一小時，好快。

後記：師傅同阿鄺在水浪窩上車，一齊出馬鞍山。
下次旅程：九逕山 - 屯門大會堂集合 (我唔到)
再下次：8:30 井欄樹 (上大腦出白沙灣) (師傅休息一天)
再下次：8:30黃泥頭上石芽(去西貢同師傅食飯)