雙東坳

兩個星期冇出隊。一出就上雙東坳。今日又係九男女，師傅、大寶、肥陳、阿鄺阿冰姐、妙玲、大埔何、阿葉和我。八點三由東薈城出發。今次取道黃龍坑郊遊徑。先入黃龍坑道，經過從赤鱲角搬來的天后廟，是全港獨有全由石塊建成。

黃龍坑郊遊徑十分崎嶇，至少上二千多級石階，上半部不斷上，中途冇平路休息，所以全程包尾。

半山吊鐘花盛放。

上到這一級才可以停一停，休息一下，算來已上了千多級了，但個牌標示1201，即只行了五百米。唔好理咁多，影吓相先。

  

左方是黃龍坑，今日煙霞好大。

之後再上就舒服好多。樹蔭下空氣清新，好快就上到路口。

轉個彎就望倒雙東坳的爛頭營。個營地好有外國feel。

經過營地就落山去伯公坳。

一直落到馬路個亭大休。佢地落地塘仔。我有事先走。下次再玩過。
下次旅程：石壁郊遊徑(貝納奇徑)，八點三東涌地鐵站。

開年

今日小組開年。大家在大埔集合，去三門仔馬屎洲。點行？我冇去，因為好攰，又有野做。呢兩個禮拜都唔去。但既然是開年，我都參加。

佢地一點三到百利。阿黎生都冇跟去。又係自己去酒樓。今日有十五個參加。除左妙玲和荃灣何外，仲有十二個。自己睇相啦。

今日每人食左八十蚊。好平。
下次去邊？唔知。因為我都唔去。問師傅吧。

九龍水塘至金山

今日年十一，新一年開隊日。照例環繞水塘行大運。舊年去萬宜水庫，今年行九龍水塘。一早在馬騮山巴士站集合。共十五人出隊。

環繞石梨貝水塘和九龍水塘行一圈。

 途經康樂園。上次都有經過，裡面開左兩枱麻雀。

呢個晨運樂園幾靚，花草樹木，乜都有。

在此小休影相。

跟住上沿路上金山。金山不算高，好快就到。

離開金山發射站，過去山火瞭望台。條路幾窄，下面係葵涌石籬一帶。

 去到瞭望台休息一下

對面係走私嶺的孖指徑。

金山發射站正有工程進行。

今日都見倒幾多馬騮。

 十一點前落到金山路，我同阿黎生走先。沿路出大埔道搭車。

佢地大隊繼續行去川龍。

下次旅程：三門仔、馬屎洲。大埔火車站集合。中午大埔百利開年飯。

-----