旅聯登山節

今日係旅聯一年一度的登山節。雖然我地不是屬會，但師傅循例都會一到，參加盛會。今日預計好多人，所以一早出門。

到西貢都係七點鬆D。食完早餐，就去排隊。今日集合地點係北潭涌。出隊有師傅、寶爺、阿鄺、三何雙妙、肥奇姑姑、葉生和我，合共十二人。

 北潭涌出發，經榕北走廊，上嶂上。

上到麥理浩徑，休息一下。

十點半就到嶂上。場地都冇乜人，因為大會一點至開始。先影張相留念。

我地不打算參加，師傅只係想「到吓」。跟住落天梯出榕樹澳。

好快就到，行一段引水道，在一個亭一大休。食完野，行多一段，十二點左右，就出到路口。好多隊都係啱啱上山。
預左去西貢啤一啤。佢地行路，我就搭299。先去水浪窩觀星台換件乾衫，順便參觀一下。

十二點四十分，就到西貢等佢地。行勻曬西貢，包括裡面條村。一點四，阿葉話佢地已到永和。原來佢地一點已經到左。今日參加啤會有七個：阿鄺、陳太、葉生、肥奇姑姑和我，再加大埔何。又見倒山水以前的隊友：朱生、鄔生、鄭生等。食到三點幾至散會。

下次去大刀刃，請到大埔火車站集合。