黃泥頭至北港

今日慶祝師傅生日。前一晚仲三號風球，又有黑雨。不過今朝睇過天文台網站，知道好天。師傅真有福氣。

今日一早去黃泥頭集合。有D人會去北港準備，所以比較少人。在黃泥頭出發的有：師傅、大寶、大埔何、阿葉、阿妙、肥陳、我和山水行友。其他人自己去北港。阿鄺上左大陸缺席。

起步後行錯左上花心坑

又要落番嚟，接上去麥徑條路。

好快上到麥徑，一路行去茅坪。沿途冇乜野。麥徑四段，都行慣行熟了。黎到茅坪，休息一下，影下相。

十點幾，師傅話落北港。梗係好啦，唔駛行。

落到北港路口，我地過去蕉坑睇樹。在蕉坑門口見倒荃灣何。佢一早入去睇樹，出去行吓。結果大家又睇下樹同中草藥。
十二點，我哋去歐陽別墅開餐。去到見倒佢地清理雜草、搞衛生。

大厨師就好忙。

肥奇姑姑、黃生黃太、黎生黎太、鄭先生、歐陽和兩個印傭等，都已到齊準備好。

開完啤酒，點好洋燭，就唱生日歌和切蛋糕。

難得有機會一聚，大家盡興而回。當然四個人仲有其他節目啦。
下次旅程：師傅不出隊，我哋 8:30 在大埔火車站集合。
再下次是隊慶：8:30大埔火車站集合，上梧桐寨落大埔百利食飯。

-----