耀安-茅坪-富安(師傅示範六通拳+八段錦)

冇出隊一個禮拜，今日行一行，熱吓身。集合地點係耀安。八點半人齊。今日有師傅、肥佬李、阿鄺、陳生陳太、妙玲姊妹、兩何、黎生一家三人、肥奇姑姑、阿葉生和我，一共16人。我哋由迴旋處上燒烤場，走捷徑。

好快就到燒烤場，兵分兩路。

師傅傷未復元，行下路，九個人(兩何、陳生陳太、妙玲、肥佬李、阿鄺、黎生和葉生)上吊手岩。我就偷雞跟師傅。半路師傅轉右，行咗入馬鞍山村，入咗村係冇路上翻去大路。不過都好，順便睇吓條村。

今日條路冇乜特別，完全係家庭家樂徑式遠足。好快就到觀景台，睇吓大金鐘、西貢一帶景色。

跟住出茅坪。經過麥徑，前面石芽山。

我哋在茅坪等咗大半個鐘，佢哋先有五個人到。等等吓，影吓相，請師傅打吓六通拳、八段錦。

先睇吓師傅耍六通拳，八十多歲十分靈活。

我哋又請師傅示範八段錦

等咗好耐，師傅同肥佬出慈雲山，我哋一行落富安，包括黎生一家、阿葉、肥奇姑姑、陳太和我。佢哋約咗開枱。

今日旅程好快完，一點左右已到富安食午飯。
下次旅程：麻雀嶺，上水火車站集合
再下次旅程：雞公嶺/桂角山，八點九錦田巴士站