蚺蛇尖

今日天氣好好，西貢呢一邊都好熱鬧。計一計人數：師傅、肥佬李(出番隊)、阿鄺、陳生陳太、肥奇姑姑、黃太、妙玲、兩何、葉生、我和一個fd.，共14人。

我哋八點半由北潭坳起步。今日仲有一隊行同一條路線。先落赤徑，再上大浪坳。熱門路線嚟。上到大浪坳，就見倒蚺蛇尖。睇吓都有少少氣勢。

沿脊上，浮沙碎石多。小心一點就冇事。

大浪坳上蚺蛇坳一段。兩邊風景都好靚。

 蚺蛇尖不難行，只係條路好爛，浮沙碎石多。但景色一流。

上頂前，影番張相。

脊上風光好。

 下面就係大灣同咸田灣。

上到頂，大家再影張相留念。

由另一邊落，去米粉頂。米粉頂仲靚。藍天碧海。左面大鵬灣一望無際，右面大浪谷和大浪灣青蔥翠綠。

蚺蛇尖另一邊其實唔多尖。

沿米粉頂去東灣山。

大浪四灣。冬天呢個角度就唔靚。

我最後，大家在米粉頂下等我。

落東灣後大休。休息完，就立即回程。冇乜時間欣賞東灣一帶景色。

今日大浪灣都有D浪。沿路行，欣賞吓大浪灣同長咀。

今日回程同山林一隊行上北潭坳

師傅落黃石，我一直上北潭坳，見車站好多人，就搭車去黃石總站。

去到總站落車不久，才見師傅等人到黃石。其實架車都好空。浪費咗時間。

下次旅程：屯門市中心上青山

-----

北潭涌至吹筒坳

隔咗一星期，今日出返隊。上星期俾蜜蜂針完，腳已消腫，可以行返。今日我哋在北潭涌發記對面集合。都幾多人：師傅、肥陳、陳太、阿鄺、肥奇姑姑、妙玲、黃生黃太、兩何(欠荃灣何)、阿葉、我，仲有一位朋友加入，總共14人

經過西壩，入萬宜。今日有好多人跑步。

東壩真係唔使介紹，好靚。

呢D係乜野石？是酸性流紋-英安質碎斑火山灰流。即係一層好厚火山灰，當時會曾經流動過，冷卻時收縮形成柱體。未變硬時，向下跣，就造成扭曲的形狀。

破邊洲，是一海蝕柱。中間水道名為神削峽。

上一段石級，就到著名的浪茄灣。今日有D浪，好靚。

跟住上西灣山，今日好曬，好想走。

轉眼就到西灣山頂，個亭好多人，冇入去。

途經一棵有果實的植物，妙玲話係「降真香」，可食。佢哋摘咗D食，好甜，但又有小小苦喎。我冇食。

一尖四灣，盡入眼簾。下次就係去對面口既「蚺蛇尖」。

師傅今日唔趕返去，話落西灣飲啤大休，然後去北潭坳走人，我好攰，就決定在吹筒坳走人，妙玲都話走。

可惜冇去西灣飲啤食野，但今日真係好攰，下次先。

下次旅程：北潭坳至蚺蛇尖。

-----

COMMENT:


DATE: 12/27/2007 15:37:00
EMAIL:
吹筒坳出西灣亭有車走。假期應該都有好多車。Van仔出西貢一個鐘至少一班($15)，的士都唔少的。四、五個人，出西貢約$80，搭的士好過。

-----

COMMENT:
AUTHOR: chung yin

DATE: 12/27/2007 01:26:00
EMAIL:
師兄,想問下吹筒坳係咪有車走 ..
我1/1想行呢一段,想知道點樣響吹筒坳走?
謝謝 ...
-----