馬尾下至鹿頸

本星期日我哋在上水火車站集合，搭78K巴士去馬尾下起步。今次不入丹竹坑，而是由馬尾下村入南涌郊遊徑。

 數一數人先。今日有十五個人參加：師傅、肥李、阿鄺同佢個FD 冰姐、肥陳和平平(兩日前由美國返來)、平平個家姐、肥奇和姑姑、何家良、青衣何、妙玲、陳太阿碧、肥葉和我。算是人齊。上次落大雨，何家良、肥奇兩人缺席。
先由馬尾下起步，入村後去下嶺皮。

馬尾下村口棵大榕樹

馬尾下村的舊屋和祠堂，空地前有棵荔枝樹，今年荔枝好多。

沿村路入下嶺皮村口，再入就到南涌郊遊徑入口。初段要不斷上石級，不過可以見到平原景色。

到入口了，出發﹗

呢度係丹竹坑村，遠處係鶴藪燒烤場。

行行下，開始落雨。避一陣，繼續行。

避一避雨。

之後雨過天青。見到對面屏風山

 我哋在老龍田對上的路旁休息一陣，風涼水冷，好正。

前方遠處係吊燈籠和金龍脊。

休息完下山，前面是鹿頸後的濕地。

我哋在屏南石澗上游大休。屏南石澗今日水好大。

大休完，約十一點幾，我哋落南涌，沿途欣賞屏南石澗景色。

太大水，過河要濕腳。其他人要除鞋。好錫身。阿鄺涉水

落到南涌大路

今日終於去開心茶座食雞。本來係我同葉生，今次竟然全部人都參加，除左青衣何，因為佢自己行得慢，落後太遠，唔知道。

我哋先後飲十幾枝啤酒，兩隻雞、兩碟牛腩、兩碟蘿蔔豬皮、三碟油菜。共$515，每人四十元。這個月開始，士多冇炒嘢賣，炒粉麵冇，可惜。大家食得好開心，我仲見到我同事一家人。真巧。

旅程一點幾完。返到屋企兩點幾，剛好夠瞓一陣。
下次節目：去歐陽度開餐。
再下次由東涌去梅窩。
-----