大美督至鹿頸17/08/2008

停左一個禮拜，今日又出隊。是日天朗氣清，炎熱中有少少涼風，天氣不錯了。今早在大埔火車站集合。出隊有師傅、肥陳、阿鄺、兩姊妹、肥奇姑姑、兩何、肥葉和我，共十一人。大寶湊孫，好耐都冇得黎。

 分兩路入大美督，小巴客先到，要等人。

九點左右出發，上牛坳，接八仙嶺自然教育徑。初段冇風，幾辛苦，我地在後面慢慢行。

在樹叢間欣賞船灣淡水湖景色。

好快就接入衛奕信徑第十段。在一條溪澗小休，用架防水相機影下相。不過魚群游來游去，好難對焦。

跟住直往上下七木橋。經過一些廢屋。

我地墜後幾個約好阿鄺等人在路口等，一齊落鹿頸。師傅、肥陳同肥葉不飲啤，三人自己經尤德亭落橋山橋大休。

落鹿頸的路風景優美，用埋相機僅餘的電力，影幾張相。

好快落到鹿頸，TW何自己去左鳳坑家樂徑，我地七個人去飲啤食野。睇下呢兩個人幾咁期待。

食完各自散。
下星期：8:30分慈雲山獅子亭。
-----

COMMENT:
AUTHOR: Gary Wong

DATE: 08/18/2008 22:14:00
EMAIL:
以前曾經由大美督上仙姑峯, 大美督至仙姑峯樓梯前的山徑真是悶熱得要死。
請問師兄是用那款防水相機呢?
[版主回覆08/18/2008 22:39:00]山徑在北坡，吹大北風就好。夏天吹西南風，真係無風的。我架防水機是OLYMPUS 1030SW. 仲唔係好識用。
-----

COMMENT:


DATE: 08/18/2008 09:25:00
EMAIL:
多謝山人來訪。真是十分翳局。每次行都是如此。

雷公田-川龍-荃灣

星期日天晴，八點九石崗軍營外，雷公田引水道口集合。去到已經有人到左。今日都幾多人。出隊有師傅、阿鄺、大寶、三陳、三何、肥葉、妙、肥奇姑姑等14人。肥葉和肥陳都有帶一個fd來。

先由引水道去甲龍林徑。甲龍古道較短，不選。林徑的入口在這間小食店對面。

今日仍好熱，林徑內都算陰涼，但都十分辛苦，成身不斷出汗。行得好慢，包尾，所以只影到背面。林徑初段較斜，之後平緩。偶有越野單車經過。

成段路都在林蔭內，冇景。只有在一些空隙才見錦田平原。

行到身水身汗。上到林徑出口，我架P記TZ3已經被汗水入侵，玩完。只有用手機繼續拍攝，得2百萬像。
在林徑口休息一會，吹水又吹風。

時間尚早，我地由林徑接上斜路，直上直升機坪。再由荃錦自然教育徑接落川龍林路。好快就到川龍。

入到川龍，就在端記對落的溪澗大休。時間是十一點左右。溪澗水清，但附近的氣味難聞之極。但仲有好多人玩水寫生。

十一點半就離開落荃灣。又是林蔭小徑，直落到引水道。引水道在荃灣對上山坡，已乾水，但旁邊仍有一些山水流入。

來到這裡，大家都落荃灣南豐。肥奇和我等人跟雙何落芙蓉山出石圍角搭車走人。這條路經過觀音巖，直到竹林禪院正門。

由竹林禪院門口上芙蓉山路，再落白田壩村，出馬閃排路到荃錦交匯處。再穿越石圍角邨至石圍角路搭車。

下次8:30川龍等。