今日九月三十日，天氣又濕又熱。原定去吊燈籠的行程又因新娘潭路封閉禁止小巴駛入烏蛟騰取消了。改線去碗窰落錦山上九龍坑山，即衛奕信徑第八段。數數人頭：今日有師傅、肥佬李、肥陳、阿鄺四師徒、妙玲、碧姐、大埔、青衣何、肥奇姑姑、葉生和我，一共12人。
我哋由大埔火車站上碗窰。天氣好濕好熱，起步已經好辛苦。
上第八段都好熱。
嚟到呢度，回味吓上個禮拜上四方山滋味，今日見倒奇萊一隊人由錦山上。
好辛苦好熱。
今日見蓮澳村更靚。
我哋由石蓮路落錦山出太和。
經過半春園。
落到路口日榮花園。
再落去錦山村
過橋繞過太和村，穿過火車路，就到大埔頭村。
由此上九龍坑山。
一路上都好曬好熱，好似夏天一樣。上咗一陣，已經要入涼亭呌一呌，飲吓水。
繼續上山，一路都冇樹蔭，好曬。上一小段，就要停吓。望住個山頂。都唔知上唔上倒九龍坑山。
沿途又停又飲水。停咗好多次，欣賞吓大埔一帶景色。
今日天色好，望倒對面大刀刃(南北大頭羊)
又望倒粉嶺平原。
左至右：大帽山、觀音頭、嘉道理農場、大刀刃。
東望鳳園、三門仔。
西望鉛礦坳、大埔墟。
九龍坑山頂在望，再上兩段就到，加油。
停完再上。其實我哋幾個都係一步步捱上去。
終於到頂。
上到頂，我哋飲咗好多水。好攰。原定由山頂落沙螺洞，師傅話水坑大休，我哋又沿衛奕信徑車路落去，跟住流水響家樂徑轉右落鶴藪水塘古道。
行多好多路。我哋殿後幾個已經好攰，又冇乜水。沿家樂徑行一陣，轉個彎就見鶴藪水塘。
對面係衛奕信徑第九段，上屏風山天梯古道。
右望沙螺洞山谷
終於落到鶴藪水塘，轉右去沙螺洞。
葉生、肥奇姑姑、碧姐和我幾個冇落抛珠坑大休，又唔夠水，於是直出沙螺洞。沿途我食咗一個麫包，留番一個。點知跌咗。即係我由朝早到三點鐘都只係食咗一個麫包，真係又熱又餓又渴又攰。
終於出到嚟大炮亭。
我哋沿車路落鳳園，一路行，一路睇吓有冇的士。終於，去到底先至有一架的士掉頭接我哋。我哋立即上車上運頭塘(點解？因為近火車站)飲啤嘆下午茶。吹水到四點幾至走。
今日比預計行多咗好耐，路程不算長，不過太熱，真辛苦。
下次旅程：照舊大埔火車站，去倒吊燈籠為止。-----
COMMENT:
DATE: 10/01/2007 20:56:00
EMAIL:
多謝。我哋行咗好少咋。不過係好熱啫
-----
COMMENT:
AUTHOR: Mitsubishi Shinjuku
DATE: 09/30/2007 22:37:00
EMAIL: hkoutlander
好利害~ 今日天氣熱到爆, 你地都堅持行咗咁多路, Well Done~
-----
