南涌郊遊徑

大暑剛過，附近又有颱風，天氣又熱又翳侷。睇吓個天就知，天上無雲，應是藍色的卻是灰矇一片。

今早在上水火車站等。八點半準時出發。搭78K去馬尾下。今日出隊不算少人了：有師傅、大寶、阿鄺、TW何，妙玲，肥葉、雲南四友等共11人。落車後，入村。

經過簡頭村口。

到嶺皮村。

由嶺皮村入田間小路去郊遊徑入口。

上左一半，下望丹竹坑一帶。

 今日真係好熱。上到一半幾乎暈，要呌一呌。呢類膠質防曬衫真係唔好著。好熱好侷。不過佢地個個著住又冇乜事。上到呢度，已過左最辛苦的山谷一段。。

牙香樹

一路行，一路睇植物。今日見倒好多斷腸草

來到上屏風山路口。

太熱了，直落老龍田。睇吓沙頭角海，一片灰色，可知天氣好熱好侷。

下降至屏南石澗，立即休息，用溪水洗頭浸腳。

十二點前就起錨，落南涌走人。屏南石澗水清見底，不愧是九大石澗之一。

過橋時，見一班人開始上山玩水。不過我地剛剛洗完腳，好在佢地冇開爐煮麫。

好快就到郊遊徑南涌起點。

再要在烈日下行出馬路。

出到南涌天后宮，散隊。

我自己行去鹿頸。

先去開心茶座食飯，順便等小巴。

坐落即刻飲啤。鹽焗雞唔使介紹，必食。

食完剛有小巴。一點半返到粉嶺。
下次8:45分，雷公田。