今日上青山。一早在屯門市廣場外集合。先數人：師傅、肥佬李、阿鄺、陳生、肥奇姑姑、妙玲姊妹、雙何、葉生和我。黎生一家三口中途加入。共15人。青山唔算高，也不難行。我哋由市中心行去青山寺。
青山寺前的一個牌坊，上寫「香海名山」，是前港督金文泰題的。一起步就係斜路。
前段由民政署鋪好的石砌路，幾靚。
上完石砌路，就係一個發射站。
先欣賞下風景，影吓相。
跟住D路就窄一點，小心行。
由發射站直撐上山坳，今日有煙霞，屯門市矇矓一片。
條路彎彎曲曲，睇吓風景，好快就到。
青山頂仲有一段距離。
上到山坳，就係呢個亭。古色古香，不過係新建的。佢哋在附近休息。
我就上埋山頂，由個亭上一陣就到。
山頂有舊大石。以前刻有「高山第一」四個字。相傳係唐代韓愈所題。不過梗唔係喇。係鄧氏族人寫o既。而家在青山寺都見個仿製品。呢個在山頂都係求其寫上去。
青山頂另一邊係從蝴蝶灣上的山路。風景不錯，但被發射站所佔。可惜。
吹咗一陣風，開始向良景進發。
接第二部份
接第二部份
繼續行程。由青山頂落良景，條路初段幾斜。
落到下面，條路係浮沙碎石，好跣。
下面就係良景邨。
十二點前，就到良景坳。
在良景坳小休後，兵分兩路。師傅上次跌倒。不能行太遠。決定由良景坳走。我好眼瞓，當然跟住走。加上阿黎一家人，共五個人走先。佢哋去白泥搭車去流浮山飲啤，仲帶咗兩支紅酒。可惜我太攰，又多嘢做，要返屋企。
落良景邨條路幾靚。好快就落到山散水。
後記
大家講起上次嚟係2005年2月27日年初六，天氣又凍，十度以下。上到山頂又大風大雨。我哋落白泥行去流浮山開年。
下次旅程 : 良景至靈渡山。良景集合。