黃色暴雨下遊梧桐寨

 二零零七年五月二十日，今日上梧桐寨瀑布，出發時雨落得好大，得八個人，師傅、肥佬李、肥陳、葉生、妙玲、阿鄺同佢個fd。但都繼續去。雨後的瀑布會更靚。我哋一路都擔住遮。今日口既水好大。但落住雨。好涼。

上到中瀑，水勢好大好正。可惜冇落井底瀑。

由中瀑上主瀑，雨勢都咁大。落險位重要收遮，照頭淋，仲見一條成尺長口既百足，我一遮撥開佢。一路條河都好大水。

上到主瀑，水勢仲大，但要上散髮瀑，就要爬上條山泥傾瀉口既路，趁雨勢不太大，即上。

呢處係主瀑頂，散髮瀑下，水好大

小心過溪

散髮瀑係咁多年見最靚嘅一次。

上到麥徑，全身濕，仲好凍。

飲吓水就走落鉛礦坳，照舊，我同葉生落大埔走人，其餘落梨木樹散隊。