大埔松仔園至草山

二零零七年六月三日，天氣好熱，今日都幾多人行，先數一數人頭：

 師傅、大寶、肥陳、阿鄺、肥奇、姑姑、妙玲、陳太、三何、葉生和我共十三人。我哋八點半由大埔松仔園出發，上教育徑接黃路。天氣真係好熱。

 呢個係雀藪

 行到索氣，在黃啡路口小休。睇下幾辛苦。

 沿路都有好多菌，都幾靚。

 呢個人最好奇。

 我哋一路上，去到車路。跟住，我同葉生照計劃落火炭走人，荃灣何加入，一齊去探路。

 我哋沿住一條石砌路落，向住牛湖托行，途中撞倒一批人。仲經過一個山泥傾瀉位。

 經過山泥傾瀉位置後，離開樹林，出到牛湖托東面山咀，見倒河瀝背至蚊坑山谷，對面係狗肚山。沿路口既草好高好密。

 轉過牛湖托，入左去坳背灣廢村，村內有一間宗祠。已荒廢

 離開坳背灣村，沿水溪旁的山路直上，地圖上不見此路。我哋以為可以落火炭，但最後一路上，去到草山。天氣好熱，又曬。我哋在無乜風情況下，一路上。

 上咗山，離開條村後，沿路風景好正。見到沙田、火炭。

 上到草山，在新建亭內休息。

 今日天朗氣清，草山頂見倒西沙、馬鞍山、針山、城門、大埔、九龍坑。風景好靚。

 唞完氣，我哋落鉛礦坳。荃灣何自己一個落荃灣，我哋兩個落大埔碗窰。

今日探路之行，十分精彩，佢哋唔嚟就走寶。