吊燈籠過芬箕托落降下坳

今日天氣都係好熱，有些小風。我哋終於去一次吊燈籠。已經講咗兩個禮拜。今日原定路程同山林一樣，上吊燈籠落蛤塘。但見咁多人，我哋改由金龍脊落。今日都幾齊人，有師傅、肥佬李、阿鄺、陳生陳太、肥奇姑姑、黃生黃太、聶生聶太、黎生黎太、妙玲、大埔何、青衣何、葉生和我，共18人，只欠荃灣何。我哋8點9搭小巴入烏蛟騰，山林一班人一車一車到，我哋到齊立即起步。

經過九擔租。

由此上犁三古道(即上路去三椏涌)

吊燈籠在望

離開犁三古道，上一段坡。

跟住直上吊燈籠，今日好曬，不過都唔算辛苦。

 中段最斜最直，不過都好易行，有好多石俾你踏上去。下望就係犁三古道。

只係呢段碎石坡要小心一點。

下望橫嶺和芬箕托之間的谷地。

上到一個台階位，就係一個風水名穴，名為「笑天龍」

向左望印洲塘、三椏涌

笑天龍穴上走一段，不上吊燈籠頂

 向左去分箕托

我哋在芬箕托遇上山林大隊人馬，佢哋由烏蛟騰上，過吊燈籠落蛤塘。

芬箕托尾段落斜，好跣。呢度以前有條繩，今日唔見咗。

下一段至有

出到路口，見倒呢個牌。

我哋跟住上去山火瞭望台大休。黎生黎太閃咗。我、肥奇等人殿後，佢哋等咗好耐。

大休完，我哋沿烏蛟騰郊遊徑落降下坳，原定落金(減)龍脊取消了。

見倒谷埔和對面沙頭角

好快落到出口。轉右沿車路行去鹿頸 。

去到鹿頸，阿葉和我等8個人即刻去開心茶座食鷄、牛腩、飲啤。一坐落，阿鄺叫咗24枝啤酒，平均每人3枝。阿鄺飲啤好似飲水咁。

吹水吹到停唔倒口，終於24枝啤酒飲完。

今日真係好熱。不過路程短，不太辛苦，其實都好辛苦。

下次旅程：大埔火車站集合，請準時。