沙田排頭村至大埔

昨晚仍好大雨，今朝天氣好轉，多雲潮濕，但雨停了。今日在沙田火車站集合。少左人出隊。報到的有師傅、大寶、肥陳、肥奇姑姑、兩姊妹、阿葉和我。由火車站出發當然是經排頭村。

入村再上道風山。行呢條路已經好辛苦，全身汗水。潮濕悶熱天氣，上山真不容易。不過我地當健身，冇所謂。

上到道風山神學院，仍然冇乜風。

由於天氣不佳，又悶熱，原定過黃竹洋上草山的路線取消了。

改由沙田萬佛寺後的山路直上針草坳。呢條路要在山谷樹林中上一大段石級。行左十多分鐘，荃灣何從後趕來。

呢段斜路真係一步一步捱上去。

路旁有條大沖溝

回望沙田萬佛寺一帶

仍然要繼續上。行到斷氣咁滯。

上完呢條直路，就到落華翠園分叉路口。

足足休息三次才到路口。前面三個人在休息等我地後面四個人。師傅幾個已經唔見影。

影下相等後面幾個。

終於佢地到了。

再上一小段路，就到針草坳的沙田郊野徑路口。師傅已等左我地半個鐘。

大家都好攰。連草山都唔上了。荃灣何自己一早落標本林研究，師傅幾個落梨木樹。我地在鉛礦坳前分手。

五個人包括我，經松仔園落大埔。

路旁見倒呢棵幾得意的植物。好似係「常山」。藍色的花，很美。

好快就到落松仔園路口。

再落就係出山塘路的古道口。路口有個亭。

十二點左右就行到龍城堡。先在個亭休息一下，再落大埔火車站散。

今日太濕了，大家都不想行太長。希望下次天氣好些吧。
下次集合：8:30分， 油塘巴士總站
-----