吊手岩

很久沒有上吊手岩了。上一次是在05年11月27日，今次睇下有乜改變。上吊手岩，當然較方便的便是在耀安等。今日出隊都幾多人：師傅、阿鄺、肥葉、兩何、肥奇姑姑等人。今日山林又上吊手岩，沿途會好多人，於是大家夠鐘即出發。上吊手岩要過公路，我地在耀安對面的隧道過馬路，經這條樓梯上水務車路。再經礦場廢屋上良友路。

上到燒烤場，由家樂徑上，兩邊都一樣，但我地選廁所一邊上。

到呢個亭，離開家樂徑上吊手岩。循例講吓，大家都好孰悉了。

上一小段，便到這個位，離開迷徑。

 再上仲有條繩，不過都好易行。

呢舊石佢地叫吊手岩，唔知係唔係。不過我地當然冇爬上去，有路在右邊上的。

上完呢一級先到吊手岩。

初段有樹蔭，路不算斜，一級一級的。

上到石頂，可以望下馬鞍山、沙田、白石泥涌一帶。

睇完景，繼續上。師傅等已在前面。

又要上一級斜坡。

回望走過的兩個小山峰。風景不錯。今日好多人行，一路行，冇乜休息。睇下條路，有好多石墊腳，又有樹扶吓。

上到中段，兩旁有好多竹樹。

到了最斜的一段了，呢段從上面望落去，好企，不過有好多凸出的石墊腳上。畏高的不要下望就得。由於要手腳並用，後面又有好多人，中段冇影相，可惜。上到頂先至補影。

 

條繩竟然斷左。不過冇關係啦。

爬完斜路，又停下來影吓相。24mm當然較28mm相機好。

再沿狹長的山脊走向牛押山。

前面就是牛押山了。

再上最後一段山坡。終於到達山頂。後面有好大班山友，所以一路上，冇休息。一口氣上到677米高的牛押山。

由於山林在後面跟著來，大家都不休息了，立即落馬鞍，過去馬鞍頭。

在馬鞍上景觀一流，可以望到下面十四鄉、榕樹澳。

馬鞍是一個頗窄的山脊，兩邊幾斜的。

由牛押過馬頭要落一段，由677米落到馬鞍最低的位置 - 603米，然後再上702米的馬頭。

回望牛押山，山頂較馬頭有多些平地休息。

終於到馬鞍山頂，影張相先。

跟住立即下山。下山前，回望吊手岩脊。我地就係從這山脊走上來。

下面是良友路、燒烤場和馬鞍山村

沿脊落麥徑四段的馬鞍坳。

落山的路不算斜，但都要小心。

馬鞍山又叫企嶺，下面的海叫企嶺下海。由這裡看便知為什麼叫企嶺了。

終於到馬鞍坳，接入麥徑四段。時間只是11點，大休太早了，師傅等人不停下來，咁大家又跟著離開。

彎曲山真的很美，每次都影好多張相。

我地不上大金鐘，直落鹿巢坳。

來到鹿巢坳，師傅等照原定計劃去富安，於是在五聯達大休，我地又偷雞走人。馬鞍山友、TW和我當然落返耀安。於是沿馬鞍山郊遊徑回燒烤場。

好快就到燒烤場，回望一下剛才行過的山脊。

下次團年，火炭火車站集合。


-----

COMMENT:
AUTHOR: Gary Wong

DATE: 01/13/2009 19:11:00
EMAIL:
好! 等我揾日去行下先!