貝納奇徑-鳳徑四-五段-悟園-大澳

今日又由東涌出發。只有十個人：師傅、阿鄺、肥陳、大寶、阿葉、荃灣大埔何、肥奇姑姑和我。八點三搭車入石壁。打算上貝納祺徑(即石壁郊遊徑)去昂平。九點一就到石壁。今日早上鳳凰山上有霧。

去到石壁，師傅話我地未行過中狗牙，於是改線。我哋五個就唔上嘞。大家都唔在狀態。

去到路口，大家分開，佢地五個上中狗牙。邊五個唔上？自己睇相就知。 

貝納祺徑都幾好行，適合我地唔想谷得咁行啲人。不過條路多碎石，要小心。

到上西狗牙路口，風景不錯。

行一陣就到鳳凰徑路口，我地決定唔上昂平，轉去深屈道過大澳。

鳳凰徑第四段好少人行，條路靚，樹蔭多，好好行。

落完石砌路就係平路。

呢度都見石壁水塘，我地即係環塘走大半個圈

好快就見深屈路口，對正觀音山。果度係鳳凰徑第四段終點。

十一點行完，出到路口，沿路只見兩個人。我地決定由羌山過大澳。

羌山

完成鳳凰徑第四段，過馬路上觀音山。呢度鳳凰徑第五段。先上一段石砌路。一路上，一路回望背後鳳凰山。

 我地由右邊去觀音山和羌山。

 最遠是彌勒山，前一排山是昂平和寶蓮寺。上山條路不算長。

下望鹿湖一帶。

 呢條路不經觀音山頂。觀音山(膝頭哥山)在路左方。我地在坳位大休。時間是十二點。呢個位望曬石壁水塘。

大休十五分鐘，離開去羌山。

要行落去再沿脊上對面山。

呢條落山路不在兩邊脊位，而是在中間。半路凹陷，好似張椅。上羌山石級都幾高。但落差不算大，十五分鐘上完。

終於到羌山頂。羌山高459米。不算高。由深屈道上黎，落差不足二百米。

過左羌山，就一路落山向大澳方向走。

 悟園至大澳

過羌山後，不去靈會山，於是離開鳳凰徑走捷徑向西行。

過慈興寺而不入。呢間寺我地十幾廿年未再去過。大家都好想睇下條飛龍。不過今日唔入去。下次先。我地又入番鳳凰徑落龍仔悟園。

悟園今日假期俾人入去參觀。今日都有幾多人。

悟園已很破舊，但屋舍仍完好。我地盡情參觀，行勻成個園。

 

 悟園個花園好靚。桂花盛開，成個園都好香，又有杜鵑、茶花。

最重要就係九曲橋。可惜塘水早已乾。條橋已失修，不准入內。黃瓦片褪色。但影出黎都幾好噃。

我地都認為不枉此行。

離開梧園，先見個花園在深谷中。好隱蔽。

我地沿鳳凰徑第六段落大澳番鬼塘、南涌。

呢段路初段平緩，過左個避雨亭，就要衝落斜路，仲係好斜果隻。成段斜路有成一百四十米高。如果上就好金。不過可以見倒整個大澳。

終於兩點鐘收工。

即刻搭車番東涌。今日收穫幾多，至少行番廿年前D路。都冇乜印象了。

下次燕岩。大埔火車站等。