今日大埔火車站集合。原定上燕岩，因早一日落雨，師傅話改上鉛礦坳上草山。好令人失望。今日著定長袖衫，準備行入樹林，點知行大路。今日出隊有大寶、阿鄺、肥陳、肥奇兩個、冰姐、肥葉、兩何，共十一人。我哋由碗窰上鉛礦坳。
好快就到。照例影張相。
跟住沿麥徑上草山，又好快就到。今日唸住好早收工。
一陣就上到路口。
落山行去針山方向，大家又講吓上年由牛湖托和坳背灣行上嚟個條路。
下面就係狗肚山(左)、搖斗坪、牛湖托、坳背灣。
行左一陣，有人轉左落去火炭果邊。拿，睇吓呢幾個跟住嚟唔跟師傅。
師傅、大寶、肥陳和阿鄺行左去前面。咁邊個打電話通知師傅我哋閃左呢？大家推讓之下，終於由較新嚟嘅冰姐負責。師傅(唔知係預左，抑或好無奈)話：「咁即係唔駛等啦﹗」大家咁就安心離隊落火炭。
離開師傅等人，由坳背灣南面的山脊下降。
這條路在山脊上，經過兩個電塔，再下降就到河瀝背至黃竹洋的水平山徑。
沿脊下降，面向火炭谷
途中經一舊趣怪石
呢條路不算難走，只是泥路濕一點。
先在一個居高臨下地方小休一下。
對面狗肚山
右下是黃竹洋村。
休息完便向第二個電塔下降。條路較斜。
過左第二個電塔，我哋揀左一條路肧向下行。行左一陣，發覺草好高好長，行多一陣，完全冇路的跡象，跟本唔係路。但已落左差不多一半。阿葉肥奇在前開路。
睇下﹗跟本冇路。大家一路撥一路踏住高過人0既茅草下降。一路向下山方向硬闖。
途中經過好多野豬窿，又跌又跣。五隻手指被草界開。其他人都差不多。
終於出到路口。短短一段路，行左55分鐘。無驚無險。
我哋沿路番轉頭，搵番條正路。最後轉右行一陣出黃竹洋村。
到村路已是十二點幾。今日下半段十分精彩。雖然行錯路，但當訓練吧。
下次旅程：石屋山。8點9高塘巴士站集合。
-----
沒有留言:
發佈留言